散心

減少見面是暫時大家能夠想到和接受到的方案
so人地今天不會和我聯略的了
咁....今天人家做啥好呢~~?
記起人地既紅虎眼一直都找不到替補的
唯有找師太求救了
還有要接肥嘟嘟小胡蘆回家喲~

打電話給自自
她俾家姐捉住了...........阿彌陀佛(_ _)
跟著打去搵遙遙約去師太度
到天后時遙已經坐低幫襯緊Rachel了
同姐姐傾左一陣
被訓了...........
係.....我有被你們煎把的覺悟了.......
對不起
走過隔離搵師太,大師也在~
實在太好了~~
放低紅虎,師太說她有辦法的了,拜託囉XDDDD
大師把黑耀胡蘆仔和一個白晶元寶綁左一起,好可愛呢~
我太感謝你了~你知道我現在最缺的是什麼吧XDDDDD
又被訓了................
大師還給我看掌呢~(天掉下來的大好事~~)
近期會找到工作的了,但不準再挑啦.\ /.
感情嘛~想太多沒好處的了
處處都計得那麼準都沒用的啦
順其自然
硬是要一個遷就另一個是怎麼都不行的
肩並肩,對等的關係才可以長久的啦
知道了,大師的話會記住的了
聽完之後個人清爽了很多
輕鬆了很多
我會學懂不執著的了^^
遙遙也請大師看手相呢~
大師笑遙做什麼都要自己出手
倒杯水也要自己走去拿水杯(我就不用~出口就可以了~~kakakaka)
不過遙比我還要有福氣
會找到大金主呢*0*
大5歲的~榴覺得不錯啦
但係遙這種吃慣幼齒的好像不太習慣的樣子耶XDDDDD

今天的娛興節目就係睇遙駛錢啦~啪啪啪啪
自己雖然係係師太度都看中了一條頸鏈和藍晶手鏈
但係自己冇收入嘛...唯有乖乖的了.....
遙嘛~買了一對蟾蜍和一條很漂亮的白晶擺擺做頸鏈
走到銅鑼灣中心地底(有回到中學時的感覺~)
入左一間買game的,買左PSP charge電機和榴推介的LocoRoco
跟著去sogo幫襯埋laneige同anna sui
大豐收呢~
等榴搵到野做再一起出血吧XDDDD
被遙串榴的眼角仲高過佢,人家不想的耶
看中也沒用呀,都冇錢俾

見識到自自口中的怪人--茶茶
沒啥感覺=__=
少少怕醜,多多kamkam地既感覺
不相信和他是同年的
去左太子吃飯
見到令遙遙面紅心跳的水吧哥哥耶~
榴也挺喜歡他呢
坐在水吧前面,不知道他有冇察覺到有兩個癲婆用閃亮閃亮眼盯著他看呢XDDDDD
臨走前促促咁偷拍左兩張相
影得不好,但係遙遙已經搶著要了,kakakaka
成日到這裡也沒有察覺到有好野添~
下次要影到哥哥漂亮的眼睛呢~心>0<

我不行了

她得到了我得不到你的好
她得到了我得不到你的溫柔
她得到了我得不到你的體貼
我冇既野她都擁有過了
但你都係返左黎我度
我還可以說妒忌死她嗎?
一諗起就有一大舊石頭壓上黎
好重
好痛
我寧願什麼都不知道
開始,過程,總結
什麼都不知道
繼續做個蠢女人咁等你
你搵個失憶錘仔一野打落我個頭度啦
咁我就咩都唔知,咩都唔記得
不是挺好嗎
要我現在願諒你是怎麼都不可能的了
我需要時間去冷卻自己
你可以幫我拔走你種下的根嗎?
你做到嗎?

決戰????

訓醒起左身
個人清醒左d
想左好多野
她曾經在這個房子逗留過
想起就痛死了
好想哭

他眼睛好紅
感冒又未好
想請sick leave去睇醫生休息下
唉...本來仲諗住等佢返工之後搵個人傾下
俾d時間自己諗清楚先再做決定

睇完醫生之後就和他周圍逛
行街個陣就諗起有其他人同佢咁樣行過
食飯個陣就諗起有其他人同佢咁樣食過
嘔心死了

回到家就忍唔到喊了
佢只是抱著我
叫我發洩出來
我說我受不了你地一起發生過既一切
係所有
佢冇叫我願諒佢
他說只要現在
我想是重新開始的意思吧
我還是騙不了自己

晚上還是在他家留宿
他聽了一個電話
不用想也知道啦
突然記起我冇晒m巾
就一個人自己落去買了
其實都有d怪架啦
落到地下就見到她在門口
我好快咁走開左
明晒點解我要落去都冇人陪係咩原因啦

係惠康度轉左好耐
走埋去ok攪pps添
唔想返去
我怕會見到佢地兩個企在一起的樣子
打俾佢
話俾佢聽有人係樓下等緊佢
我想回家
你地講清楚再找我
但佢要我返去佢度

返到樓下仲見到佢
好硬頸,某程度上是很強的
等lift個陣我好想死
我怕自己會做唔知咩野出黎
上到去同佢講她還在
佢問我我想佢點做
我覺得係咩人都好
一個女仔夜媽媽係條街度點都唔好
我叫左佢落去同人講清楚

你今日唔攪清楚你聽日都要
依家可以解決的話就唔該快
你地係同事
明日都會見到佢
祗少可以係我還知道既情況下解決好
答案是什麼都冇所謂
我諗我算係test佢吧
你在我面前是這樣說
見到她以後呢?

我諗你下樓都有一個鐘有多了
自和遙都陪住我
自一聽到發生咩事既時候就爆粗了^^"
好多謝你為我出氣
你仲問我有冇變豬頭添~哈哈
邊可能冇呀
你講既野我都明
處女分手可以好乾脆
蟹仔就難了
我明喎,我有晒心理準備
不過我還是會怕
遙說出來陪我
自叫我唔好等佢
當我諗住執野走個陣佢就打黎啦
佢叫我陪佢食糖水
其實我真係好驚要我見到佢

好平靜咁食完野返上樓
沖涼吹頭
好平常咁
上左床之後我見個廳冇咩人我就問佢點啦
佢話依家既女友係我
我問咁她呢?佢話係朋友
佢話之間都有問題存在
但冇去面對之嘛
我諗,呢d唔係叫唔面對
呢d叫愛一個人就咩都冇所謂,咩問題都唔係問題
佢問番我聽到有咩感覺
我話冇

我都係女人
我都做過第三者
我冇鬥爭心既話我仲咩要屈係呢度
我唔係怕你會揀返佢
因為我已經輸左
你講過,你對佢係愛情
對我係感情了
在兩日前,你拖既仍然係佢隻手
我什麼都不是
只係唔想係你信誓旦旦咁話只會拖住我既時候
轉個頭就用另一隻手拖住她
比起你既離開,呢個我會死得仲難看

佢話我傻
做左咁多野
又返轉頭既
之前所做既咪白廢囉
依家和最想一齊既人一齊就可以了
希望啦

我呢幾日好似搭Roller Coaster

女人既直覺是很準的
我係base on我既經驗先咁講
姊妹們!相信你地既直覺吧
直覺呢樣野是對男人特準的!!!

佢...有對我唔住
已經有兩個月了......
琴晚佢自己親口跟我說了
他說我什麼都不知道對我唔fair
我仲好冷靜咁問佢有咩好添......

我說我可以忍受你唔理我
但唔可以忍受到你對其他女人好
你說和我已經是感情了
她人品純但不失聰明
她可以跟得上你的步伐

你和好友傾訢過
好友說你是未玩夠
所以我都叫你揀她
你跟著你的感覺走,岩feel的你就會和她走
我不是,我想認真
我希望自己可以在30歲前結婚
我們不適合
你不值得我和其他女人爭

我說我累了
拍拖好累....
跟著你好累
就算你對對方冇興趣
但你對女孩子的方式是很容易讓對方看上你
在發生這一切之前,我已經預見了
我有一個人過生日的覺悟

我讓你走,你不依
你要我留下,我不行
你說兩個都唔揀
我說很好,我走了
你卻拉住我,你求我留下
我汗...你真的很自私
男人都是這個樣子嗎?
擁有的時候唔懂珍惜
只會在失去的時候才懂得後悔

拍拖求快樂
你和我不夠快樂你才會和她一起啊
還留我來做什麼
我任性,我依賴,我笨手笨腳,我跟不上你
你說這些你都知道,但是你就是要抱著我
我說因為在你面前哭的人是我你才會這樣說
是她的話你就會留她的了
女人的眼淚是必殺
你說你知道,但你就是不肯放開我的手

我不明白
我想不到有什麼理由要我再相信你說的話
可是你哭了
你曾經說過上了中學之後就沒有再哭過
我嚇了一跳,我亂了
在這一刻我就心軟了

我們爭論到天亮
其實在有一刻我是可以掙扎離開的
可是我看到你的樣子
我捨不得
我不明白自己到這個時候
在你對我做這種事了
我還會因為你而心痛
我只能夠說
我個人好攰,我想睡覺
所以還會在你身旁睡吧...

現在有好像回到原點的感覺
是我不夠堅強吧,才會沒有離開
同佢一齊有兩年了
已經發生了兩次第三者事件
是他不夠定性
所以........
我到依家還是冇法看到和他的未來

從前有位大叔...

佢係psp新出既時候話過:
呢部機都係一部騙靚仔既玩意
d game都唔岩我呢輩既人

咁sony呢d奸商就有一個強勁既marketing
開始針對呢班老鬼出返d舊game呀
惡魔城啦~monster hunter啦~street fright alpha啦~
某人開始動搖啦喎~
終於
係下月初
psp既極魔界村有得買啦

今日我就見到有個"姣婆"守唔到寡啦~XDDDDD

琴晚釣魷魚

悶死......

第一,無人陪
識既只有Raymond同Edwin
但係人地都帶左女朋友仔
恩恩愛愛的樣子....
唉.....我好dry呀

第二,魚獲少
一年比一年少
year1去個年差唔多每人都釣左十幾條
兩大盤新鮮即釣即炒既魷魚食到大家肚滿腸肥
仲有多一大桶剩黎分俾大家做手信帶返屋企
今年我食白果...唔係...係食炸糊
依家d魷魚好醒
好幾次都係咬一下餌就走,明明好快手咁拖佢上黎都好突然輕左
好唔開心
高技術如船家既都只釣到十條鬆d
所幸釣親都好大隻,足一隻手掌咁大隻
都有一盤蒜爆鮮魷食既~yummy:D~

排排坐~食蘿蔔~

好難得坐的咁齊整
兩隻野好驚對方會搶佢個蘿蔔
如果將個蘿蔔擺得太近
就會好似下面個張咁啦....汗^^

出血......

30號小jen生日
芬芬,鼠,小hei伉儷and榴約左小jen伉儷去鋒壽司
都幾好食既,海膽同帶子卷都好得榴歡心
不過就覺得唔值係30度既銅鑼灣街頭等成粒幾鐘先有得食啦......
因為第二日係IVE fyp老細Esther結婚既關係
人家又冇見得人既衫....所以榴今日係咁周圍行街睇衫啦~
買左件花花,一件背心,一件外套(遮手臂用...)
就咁就駛左5舊啦.....巧貴貴喲......
人家失業中呢.....
呢個月洗大左.....好窮呀>.<

約左Edwin同Raymond一齊去結婚會場啦
原來Raymond就係之前in HKU個department做LA(好彩冇做咋...)
去到等車既位置時見到Cindy,當然仲會見到Amy同LokMan啦
LokMan竟然就咁T-shirt牛仔褲囉.....
就算你唔係主角親朋好友唔駛著到好"行",都唔該尊重下個主人家啦....
仲有見到Dr. Fong啦~佢見到我地都好surprise
不過我就奇怪唔見yoyo,此終都係BT department head呀
請得Bessie呢個BT既點會冇yoyo呀......哈~
去到會場見到PinkDuck啦
唔知係我地企得遠定係多人啦,嗌左佢地都冇反應
又坐到老遠咁.....
影相個陣我行埋去同pinky say hi佢都有hi番我囉....
以前同pinky都傾得下個喎......我都唔明做咩會變到咁.....
不過Esther好靚靚呀~~~
Esther一路行入個church度佢老公都好sweet咁望住佢
佢地兩個致詞個陣都好緊張~哈哈
真係好開心既~(拋花~~~轉轉轉~~)
近呢兩次婚禮都唔見花仔花女~
今日見到兩pair咁可愛既開心死呀~~~
榴仲同兩個好好好可愛既花女影相呀~佢地兩個好cute呀o>w