咀咀走左啦...

夜晚同陳四食飽飯上左佢屋企
平時換水要將咀少拎出拎入都知佢唔鍾意
所以佢俾左個filter我set俾個小朋友用
返到屋企就搵下有冇萬能插蘇同駁長器
仲係度諗聽日要出街買...
幫咀咀換水個陣抱起佢都覺佢唔多郁
set好晒個缸再放返佢落水度就覺得好唔妥
平時一放底佢佢一定會好唔鍾意咁走呀走呀咁返屋企
抱起佢個陣都會郁下望住你投訴仲咩攪佢
今日佢冇complain.....
再抱起佢個陣...手,腳,頭同條尾都垂低......
佢已經走左啦....

今日我起身同佢開燈個陣佢仲有抬頭望下個天架...
我仲笑佢迫自己埋個牆角度訓,屈住隻手好舒服咩?.....
小朋友都係走左....

點幾執返小朋友d野搭的士搵陳四
佢接番咀咀個陣睇返佢個body...
佢話咀咀去左幾個鐘啦,唔係好耐
其實佢都預左咀咀中暑個日救唔返
挨到咁多日都好厲害架啦
咀咀未儲夠糧就去冬眠........
預左叫唔醒架啦......

帶左咀咀去佢屋企附近個公園仔度
陳四去左掘泥個陣我望住咀咀...
忍唔到.......
唔係第一次有寵物死....
只係覺得好突然,咀咀仲咁細....

上左佢屋企訓
依家陳家龜又變返做11兄弟
陳四話以後唔養冷性龜lu...
個temperature好難control,又afford唔到全日開冷氣
今次始終都係救遲左....
希望咀咀係彩虹橋度搵得返佢d陳氏兄弟啦

新住客

我家變左療養所
呢期天氣又咁熱,再加上陳宅既溫室效應
佢屋企又唔開冷氣,就算開左個溫度都跌唔返落25度
陳四爸爸既愛兒--咀少(鷹咀龜一隻)終於要舉白旗了
咀少係冷性龜,23度以下既溫度佢先最舒服
琴日爸爸放工返到屋企見到咀少唔願食野
好多時都合埋對眼,時常要伸個頭出水面呼吸
有d就死就死既現象
嚇到夜晚12點幾飛的帶咀咀黎我度休養
佢好驚繼續擺咀少係陳宅個溫室度,咀少會過唔到呢關
依家咀咀仲係唔開眼唔開口
但係呼吸暢順左少少
仍然唔多願郁
陳四擔心佢要入冬眠
但係龜龜入冬係會好昜死,因為好難叫得醒@__@
咀呀~~你唔好嚇爸爸媽媽啦
你親爸爸媽媽病病個陣你又病
媽媽會好俾心機照顧你架
你要支撐到爸爸搵到solution救你呀o>__

感慨

從小虎的blog睇到以下這篇文章....
愛情題：該對伴侶有甚麼要求？
<http://hk.myblog.yahoo.com/jw!MX66jbCTLxRC.jzjTtBKFFtFffA_8vCQIA--/article?mid=2507&prev=-1&next=2496>


看完呢篇野之後好感觸......
興幸自己不是世上唯一一個對伴侶沒什麼要求的女人
也羨慕她能夠找到一個和她一樣喜好平淡安穩的男人

我...還未找到這個人....
祗少你不是.......
你確實地把我當作親人般看待
所以...當你對我有不滿時你才不會開口駡我,你只會靜靜地收拾殘局
激情熱愛是男女朋友之間的感覺
包容忍讓只能算是親人之愛
你能給我的只有後者吧

電話短訊她從未間斷過
你好用心的避免我察覺到她的存在
電話好像變成了一件不能被我觸碰的東西
它是一個會令我瞬間崩潰的工具
她的說話會讓我看到你們不是同事拍檔那般簡單
我不想看到你
你帶來的只有傷害和失望
就算你叫我忘記以前的種種,和你一起建立新的記憶
可是你身後的幽靈還是會一直提點著我
說出來的話只是聽好看而已

為什麼要傷害了我才會懂得珍惜我
為什麼要在我死心的時候才來抱緊我
你們究竟知不知道你愛的是什麼
要看到我傷心淌血的時候才會走來救我
這能算是愛嗎?