AIA嘉年化d相

有得睇啦~
http://picasaweb.google.com/tenyho

忙足一日

預約左ruffian3點係金鐘等
所以前一晚都沒有刻意早睡
陳四返左成日工之後仲去左打機,宵夜,睇埋凌晨4點既怪談先訓
但係今朝9點幾個陣,聽到個好唔開心既電話
陳四個爺爺唔得,我地面都冇洗著左件衫就衝左去醫院
雖然去程途中佢已經走左,但係都就咁搞左成朝
食左d野就返屋企執一執野又出發去金鐘
好在我改遲左才不用太趕,如果唔係可能得我一個人去玩

我地今日有甘甘伉儷,Jenny伉儷,遙同佢個幼齒朋友,Tian同特別嘉賓大Hei
3點幾入去差唔多10點幾先走,都玩唔晒d機動遊戲
榴同陳四玩games好渣,只有好魚,好魚同好魚
大Hei最多收獲,但係一個大公仔都冇
同多幾個friend出街有個好處
就係可以影多d相
Tian係鬼屋度排隊個陣影左勁多奇怪野
遙就係咁攬住攤位遊戲d大公仔影相
最開心既係終於可以同陳四影返d似樣既合照
夜晚一齊食飯我都頂唔順冇返自己屋企訓
係陳四家沖完涼就好快上左床訓死左
so等遲d有時間執左相先補啦

禍水

一朝早起身發覺電話係熄左
開返既時候見到佢read唔到sim咭
再熄機打開佢個背脊就見到佢濕濕地
個下先醒起昨晚係我矇矓之間倒瀉水
阿電話水浸左成晚,成個mon都已經濕晒
攞去整都晒藥費啦
興起上黎叫左老豆平平地幫我買返部同型號既算數
咁耐以黎由第一部開始計起
我部部電話都係因為水浸報銷而要買過部新既
依家呢部一年都未過就certified
以後好難convince自己去買部貴dd既電話呢.......OTZ
如果電話有d好似相機咁有防水機殼就好啦~~

大師好耐以前就話我好多水(五行果個)
d水多到可以招惹埋身邊既人
所以我無論係自己屋企定人地屋企都論論盡盡咁
依家陳四搬屋都唔敢要d起角既傢俬驚會撞死我
又唔敢做座地書架驚我倒瀉水整濕埋佢d書
唉...................有冇d咩可以幫我加返d木
定係我依家廿幾歲女先話去改名呢