塵宅‧陳宅!!??

講左成個月既陳家大遷徒終於要實行啦!!
陳四同哥哥係呢幾個禮拜一放工返到屋企就係執執執執執
因為新屋technically同舊屋隔左一條大街咁遠(一個大斜角咁啦....)
每晚都執完就pack幾箱搬過去
去到搬屋前既最後一晚
哥哥間房都七七八八,清潔晒,唔等洗既野都執好咁
陳四就當然唔得啦,又書啦又電腦啦,最最煩既係龜龜
龜龜多龜龜野又自然多,又大件有d仲係易碎品
阿龜又一定係要最後先郁得
終於星期六晚我先有機會去新屋幫佢手做清潔
整完返到屋企仲有幾個山咁高既野要pack箱
我地執緊自己野個陣哥哥就pack緊d廚房廁所野
三,四點Auntie先返,返到黎又唔執野就走去訓
我同陳四就搞到5點幾先有得訓
佢就負責執,我就負責抺
佢d野積埋積埋既塵加埋puffy d狗毛
哇~見到就想掉鬼晒佢,抺乜春呀>口<

第二日佢12點幾係度嗌哥哥係d箱搵返個煲俾佢
佢要煮雞拜神喎~
俾我係哥哥我就鬧爆佢啦,拜神雞唔可以買既咩
洗乾淨晒d野執好晒又要拎出黎整污糟
白痴既!!!

本來諗住有車搬架
但係原來都未有人call車,因為Auntie仲未執好野喎
2點幾開始我同陳四就徒步搬d還carry到既野,留返d大既重既箱等遲來既車
一直兩個人四隻手咁搬到7點到,仲有12隻龜(4箱龜啦)還未帶走
Auntie先講call唔到車,佢自以為星期日夜晚8點仲會有司機肯開工幫佢車
搵左手頭上兩間都冇人show佢
卒之要搞到哥哥個friend飯都唔食開車過黎幫手
d男人個個都散晒
佢阿嫂一早就唔舒服,都幫唔到咩手
Aunite最強,一開始話得2,3袋野
finally有好似bountiqe姐姐係批發商入完貨既大袋n咁多個
搬野上樓都搬得咁上下,咁我地d女人咪開始係各自既房間度執野
佢係個堆滿野既廚房到斬雞
吹到啤啤聲啦