Depression 抑鬱

近排有好多事都好上心
工作上,學業上,感情上...
每一件事我都冇辦法再抽身去諗
每一樣都俾我拖到依家先去考量
再加上要把妹妹在這星期內張身子養好,讓她早日做手術早日脫離痛楚
我又擔心BuBuB會唔會都有同樣既徵狀而沒有為意到
好擔心好擔心好擔心

Augus今個星期要走了
老細依家剩返我呢個RA仔幫佢做野
之前同佢單獨one on one都發覺佢其實係唔滿意我既表現
當然我自己都好十分之唔滿意自己
好怕要對住佢reporting,好怕要接手Augus留低仲有漫漫長路既project
好驚自己做唔黎...好驚,好驚,好驚

睇見自己身邊既同事一個一個咁離開呢灘死水
望下自己仲係個baby咁唔知自己想點
過多兩星期就24歲女啦,仲係傻下傻下咁樣
依家算係揀定左一個degree呢讀
但係呢個degree究竟對我有冇用呢?唔知
不明朗因素太多...我又係好驚,好驚,好驚咁

最最冇辦法掌握既就係呢段感情
我自己好明白我係好需要呢個人陪住我
但都好明大家已經遷就左大家好多,冇得再多了
好多野好多習慣改唔到,試過,唔work
可能係我想得太多,驚得太多...但我控制唔到自己既眼淚
時常趕佢走,但係最唔想放手既人又係我自己
我病得好重好重...

其實我依家真係唔介意著上束衣困在一個白色房間裡
好想睇醫生開藥俾我食...我就快挨唔住啦