Crying in no mood

Cry to nobody
Cry for nothing

So why are you still crying??

兩日兩夜精華遊

由24號晚開始
我同陳四夜晚去左霸王山莊宵夜,食完就去左尖咀cyber打機
近期真係好鍾意玩隻打鬼game,
d惡鬼好得意之外,你用個鎚仔dup埋隻主持鬼佢會嗌救命叫你stop架XDDDD
玩完之後就行去海旁吹吹風
返到屋企都已經凌晨1,2點了

到25號下午1點先捨得起身
食完個lunch就走左去行megabox
上到10/F見到好大既冰場,陳四撩起條癮要踩冰
走左成個場最後都係要入惠康先買到襪仔(周圍都好貴) =.=
返到上去入左一間叫riso cafe食tea
我要左個$25有焗薯再加$6一杯特飲雪糕+紅豆綠茶
陳四叫左個$30蚊有risotto墨西哥卷+好好味既牛肝菌忌廉湯,全部都係佢既至愛
食飽飽就去踩冰
陳四對鞋佢踩得好唔順,條友仔又撩起想買私家冰鞋既慾望
我就慘慘啦,有人拖住都跌左一次,仲要係patpat同手掌落地
手臂都擦傷埋
有人辦事不力呀!!!!.\ /.
夜晚就join埋泰同航哥碌ling,玩完又走左去打牌
開頭都係諗住打四圈算架啦,點知航哥唔放人
最後打到5點am先可以落樓
食埋mcdonald早餐返到屋企都已經6點了
係床上望住個天光光lor......

訓到下午3點幾(一日比一日遲)XDDDDD
食完野又去左大長征入元朗參加RUFFIAN久違了的燒BB大會
今次除左甘甘之外全員集合~yeah
好耐冇試過咁人齊啦~so good
個場D工作人員欺負我地話冇晒冷氣房
其實7,8點既時候仲見到有空房架
熱到陳四好似去左沖涼咁,可惡
隔離個爐D姐姐係咁望住我地個爐
無計啦~佢地個哥哥仔無料到,撥完又撥個火都燒唔到我地個咁紅
全靠TIAN陳呢個野心大既女人同外昇人既協助咋XDDDD

一起身就玩玩玩到訓咁連續過左兩日
玩到好攰,呢個禮拜仲有兩個連續假
我想休息下呀,我個patpat仲痛呀>︿<

妹妹回家了

隔左10日冇見過個囡
本來趕住係星期六換左部相機希望可以為妹妹影低佢最後一面
本來諗住拿小麥草出來在她入爐之前希望可以讓她看看
但一見到佢我就摸住佢隻手仔不停咁喊
係freezer解左凍既妹妹同9月6日個晚一樣咁凍
眼仔污糟左d....
工作人員見我哭完收左眼淚才把妹妹放進火爐
看著個爐起火,熱到燒著左妹妹同另一隻狗仔
工作人員才把門關上
他們請我地入去靈堂坐
陳四好快就係喃無音下睡著了
我就無無聊聊咁遊蕩,看到有唔少倉鼠,天竺鼠同龍貓仔都會放在這裡
還看到了一隻無名既流浪狗,因為一個有心人把牠的屍體從愚弄署裡帶走
不用像一件垃圾般棄置堆田區裡
發覺原來自己係一個如此冇心肝既人
可能到父親大人離開我真的不會哭的不孝女

成個鐘有多,妹妹才燒完
工作人員叫我地入去睇住佢幫妹妹執骨
我以為就咁一盤咁倒入個盅仔就算
個叔叔好有心機咁遂塊遂塊咁執
個d碎到好似芝麻咁細碎既骨頭佢都好小心咁執起
把所有骨頭都放進一個膠筒仔再倒入膠袋裡才放進盅仔裡
我選了一個和妹妹一樣的黑白色雲石盅(其實可以選的只有白和黑白色而已,我唔鍾意蝦肉色)
雲石盅貼左一張我同陳四揀既相片,寫左妹妹2004-2007
下次(touchwood到BuBuB既時候)個張由我自己設計....我還有更多的說話想留下呢

我把妹妹和水晶放在一起
剪左一小束小麥草放左妹妹面前
其餘個d要留給廳裡面扭計的小朋友
BuBuB比起妹妹離開左果個星期活潑多了

思想體檢報告

TENY 的 思想體檢報告
魅力（Charisma）：6 待人氣度與手腕
理性（Senses）：5 歸納與推論的邏輯概念
感性（Sensibility）：9 情感與美感的靈敏度
深度（Sophistication）：4 思考的深度與透徹度
社交（Socialization）：4 對於社交活動的接受度
熱情（Passion）：4 自動自發的執行力
知識（Intellectual）：5 學習與知識的駕馭潛能
樂觀（Optimism）：4 積極與進取的思維
悲觀（Pessimism）：5 消極與保守的思維
責任（Responsibility）：5 規劃與受託的潛能

領導能量：55 你領導才能普普，屬大將型人才。
社交能量：49 你喜歡社交活動，但對其也不是非常重視。
思考能量：54 喜歡動腦，只是思維深度還有進步的空間。
鬥志能量：43 不嘗試怎麼知道自己不行，對不對？
藝術能量：58 你的藝術才能並不差，應繼續進修培養。
科學能量：47 注意自己，不要被意識形態牽著鼻子走。
創意能量：49 想要有創意，先從建立自己的觀點開始。
靈感能量：50 靈感來自於敏銳的觀察力，多觀察社會現象。
戀愛能量：67 雖不是大情聖，但是也是有自己的一番浪漫情懷。

優點：
懂得用迴避是非來保護自己。
順其自然、性格中庸、單純，做人處事以和為貴，容易與人相處。
對現況接受度高，不多對人做質疑。
不推卸責任，骨子硬。
謙虛、懂得察言觀色。

缺點：
自我中心，習慣將自己的利益作為第一考量。
不夠成熟，若沒有靠山很容易亂了分寸。
缺乏遠見、欠缺責任感與危機意識，應學習先思後行以免因為做了欠缺考量的決策而吃虧。
太容易接受社會的思想灌輸、缺乏自主性。
不通情理，不常反省自己。
墨守常規、拘泥於傳統思想。
缺乏有魄力的執行手腕。


FROM HEI豬BLOG http://www.whobirdyou.com/whobirdyou/thought.asp
都唔知叫唔叫準
唔知點解我同奶奶竟然好似orz

2年9個月一起既日子....

係2005年既新年前夕
我同陳四係九龍SPCA接左一隻兩個多月既黑白天竺鼠
第一晚我將佢同BuBuB放在同一個籠入面
用一個jusco 10蚊店既格格網分開左兩個小朋友
兩個小朋友一見面就隔著格仔互嗅,BuBuB對新來既女朋友十分有興趣
第二日起身,已經見到妹妹走左去同BuBuB一齊
相安無事,我都冇再分隔佢地既意思

妹妹係一隻好頑皮既細路女
可能以前同SPCA既一隻仔仔一齊住既關係
佢會係BuBuB既口裡面既野食搶走
BuBuB就會好可憐咁左望望右望望咁,好奇怪點解唔見左舊蘿蔔
再好慘慘豬咁望下我:媽媽,我唔見左個蘿蔔呀,你俾返舊我啦
因為妹妹,BuBuB學識左咩叫做搶食

妹妹係一隻好八掛既小朋友
佢會見到我同我媽媽行過就嗡出個頭嗅下有冇野食
佢會好大膽咁入我爸爸間房,入廁所,入廚房
因為妹妹,BuBuB先會周圍走
唔會on居居咁係我腳邊籠邊等返屋企

妹妹係一隻好細膽既靚妹
抱起BuBuB,抱得耐,或者反肚咁抱佢
BuBuB會發脾氣,會咬你,會賴尿黎喧示不滿
妹妹只會哀鳴咁嗌救命嗌唔好,好慘好慘咁樣

係你離開個一兩天,我每次餵你都哭
因為我察覺到你對食物唔再有興趣
就算我將針嘴放到幾深都好,你都拒絕吞食
我有左心理準備
個晚一入門口,我就已經叫你的名字
看到你趴在BuBuB身邊,我就已經知道你走了
抱起還有溫度但僵硬既身體......我知你好乖咁留到我回來
媽媽好唔捨得你...唔想把你交俾再見寵兒的工作人員
到現在我還會把妹妹說在口唇邊...
好像你還會因為聽到我叫你的聲音而緊張咁探頭出來
媽媽會係16號星期日帶你返屋企架啦
我會準備定一包新鮮嫩綠既小麥草給你
係爸爸種架,BuBuB已經試食過,佢話好好味
妹妹你一定會鍾意架

妹妹到左彩虹橋了

I update it later....coz i dun hv any mood to write anything down now

I just hope everyone read this, pls pray for mui mui she could happily in the rainbow bridge and won't have any pain again. She will happily eat as many as she like until me and BuBuB come to her.

破產

這是今個月第五次帶妹妹見醫生了
妹妹在三個星期內第二次做手術
醫生說妹妹的前門牙生得太快
現在把門牙剥掉只少可以讓妹妹吃到
雖然吃得辛苦但也是吃得到
如果再不行就只能想到是牙根有問題
那麼醫生也做不到任何事了

這就是千四個大洋換來的東東,一次比一次來得驚心動魄
心痛到死,不是為錢.....


醫生說妹妹係手術中途醒左
要每5分鐘吸一次氣,全個手術做左一個鐘到
妹妹就係咁訓下痛醒下咁.....人都要生要死了
更可況係一隻咁細細粒既小朋友


人剥一隻牙都痛到死咁劑
妹妹今次剥左4隻....流到成口都係血
睇見個女一直眼濕濕好痛痛咁樣真係好想喊


醫生話如果到聽日妹妹仲係咁既情況就要打嗎啡了
希望妹妹你叻叻啦,食到野既話媽媽就唔駛又帶你去見好可怕既醫生架啦