燒烤+忌廉會

11月25日星期日風涼水冷
RUFFIAN大舉入侵遙新家
有榴+陳四/Tian陳/Hei+星/小芬/樹熊
遙仲帶埋佢一家3口黎迎接我地 XDDDD
呢隻仇忌廉真係正
第一日都知佢係隻呆豬黎架啦~見到咁多人嚇到呆晒
佢阿媽話佢平時爛玩到死
但個日佢一見到咁多人黎就成隻拜神豬咁pat左係地(真係同佢呀媽好似~都係爬地既)XDD
射哩眼咁周圍望...呢d咩人黎架@A@...巧京京呀...咁樣
有朋友仔黎就追住阿狗個patpat,見到熟狗都只係咁
爛玩到點都有個譜啦~
我真係冇睇錯,佢真係一隻呆鈍豬XDDDDD
有圖為證架~~~

咁我地另一個目的係黎燒野食架嘛~

其實都冇咩野好講,自家村屋燒野食都係咁上下架啦

唯一既comment就係:我好掛住遙家既牛牛呀>A<

曼谷遊4D3N 16-19/11~後記

總括黎講,泰國係:

◎短短4日係唔夠玩既,at least都要早機去早機返

◎要帶多好多既彈藥,因為呢度食既同買既都好岩我同陳四

◎尤其係街頭小食,台灣同泰國呢度既口味都好岩我,但對陳四黎講呢度既野直情係loving it

◎係呢度既4日其實氣溫去到30幾度,係JJ Market咁焗又多人既地方連我都頂唔得順,兩個人行左無耐背脊已經濕晒,不過呢樹既感覺爽好多,如果係香港行呢類型既market根本就係酷刑

◎呢樹既流浪貓狗好嘆,d貓可以好悠閒咁坐係人用既櫈度訓覺,d老唐肥,隻隻都拖住個大肚腩=.="見過最瘦個隻身型係fit既,佢地可以同d貓一樣霸櫈訓覺,什至大刺刺咁係個商場門口前既大空地度訓到反晒肚(汗)

◎有晚搭的士返酒店既時候見到有兩個人拖住既象仔係街度,我同陳四見到好驚訝,冇expect過竟然可以係市區見到象~好開心

◎今次個trip係豪洗團黎架~未計d簽咭既數,酒店+機票+食同買用既cash,我地已經合共用左成9千幾蚊啦~wakakaka

◎成功扭到陳四應承見到平機票就可以再飛曼谷了~(佢今次應承得爽過去多次台灣呀)XDDDD


Day 1相: http://picasaweb.google.com/tenyho/43Day1
Day 2相: http://picasaweb.google.com/tenyho/43Day2
Day 3相: http://picasaweb.google.com/tenyho/43Day3
Day 4相: http://picasaweb.google.com/tenyho/43Day4

曼谷遊4D3N 16-19/11~Day 4

今日16.00機,為免再遇到大塞車
我地早少少9點幾鐘就起身落party one食早餐啦
開頭book呢間酒店個陣有諗過試下佢個good view但係細細個既infinity pool架
但時間緊迫,有閒情有精力去遊水既不如去買埋last last round啦>__<
再周圍影下個酒店就出發去Siam Discovery買我shopping list最後既野 -- boots
個個都話呢隻野又平又抵用,之前大姑姐買開俾我家用既青瓜lotion確係唔錯
所以點都有野岩我買既~
去到Discovery發覺...咦??點解成條街既人都著晒黃色衫既
有一大班黃色人排住隊咁圍住個shopping mall
見到門口大大個泰皇神壇既野
sor~唔怪得呢幾日成日係街到見到Long Live the King既大大小小banner啦
就算係商場裡面既店員都著晒黃色,泰國人真係loyal既姐@_@


上到boots,我好似傻左咁掃貨
都唔駛睇價錢既,大部份既野都唔過2000baht,佢個度一支day+一支night cream仲送多支mask
根本就唔需要考慮,啦啦聲買完偷多dd時間再行多一陣好過
買完我地又走去琴日間loft度睇下有冇d得意野
竟然見到陳四儲開個隻龜蛋,仲要有係香港一直都搵唔到既snapping turtle!
跟住仲見到佢好鍾意既草頭人,香港賣HKD195,呢到賣195B(核爆)
有人唔理係咪自己鍾意個款就咁掃左兩個,一大一細
再走去睇多次Mr.P,見到件t-shirt幾岩阿泰,買左件俾佢(佢係香港著完有人同佢講呢件係女仔衫...sorry=__=n)
兩條友又一袋二袋咁返酒店pack箱,差d唔記得擺返d化妝品入箱呀~好彩


check-out左到樓下叫個bell girl幫我地call的士
個姐姐一手搶左個行李,好似要個女仔幫個大大份既男人攞重野,搞到陳四唔係咁自在XDD
上左車我地又係叫佢行highway,好快唔駛一個鐘就出到去機場lu=.=
我地好似次次搭飛機都係咁架(其實我地剩係飛過兩次姐)
離港既就會次次係counter check-in無耐就要last call
返香港就一定會早成粒幾兩粒鐘到機場等上機
今次我地16.00機,3點幾last call
我地12點到已然係機場check-in左....=口=
手上有冇咩錢剩,唯有係間餐廳坐低食lunch....唔好食既="=
冇野做就去離境大堂搵個地方飲杯野坐低算架啦
俾我地見到大大個burger king,可以簽咭添
入到去,仆街了,見到有onion ring同三層牛牛漢堡
都唔記得我地岩岩食完野黎,又走入去一人一個餐
不過都食唔晒XDDD


呆下呆下咁見2點幾就走去閘口等上機
本來係shopping個陣好鬼精神既榴榴就頂唔住訓到死左
反而本來眼訓既陳四就變到好鬼精神咁又攞部psp打
上到機我又係訓到推餐先醒一醒(食野啦嘛)XDDDD
一路係返屋企都冇點醒過
什至去到第二日返工都仲係魂不附體唔知自己做緊咩
可能我真係要返多轉泰國執返個魂歸位呀XDDDD

曼谷遊4D3N 16-19/11~Day 3 (Part 3)

上回講到我地血踐完之後
發覺帶黎既6000B同岩岩day1唱個2千港幣換返黎既泰幣所剩冇幾@__@
係度諗緊我地唔係買左好多野姐~~但係d錢就駛晒係食個度呢XDDDD
我仲諗住今日last一晚點都要去Suan-Lum Night Bazzar shop一shop
我都未買夠,民族野一件都冇,忌廉野又冇,死都要去殺多次
拖住攰到死既陳四行返去老遠,第一晚酒店個頭既Chit Lom站搵SuperRich
唔記得呢到唔係香港,係冇通宵找換店架,fuck!!!
咁就順路去左隔離Big C買返d媽媽交代要買既野同宵夜,就坐車返酒店擺低一袋二袋
叫bell boy幫我地叫的士去China Town同寫埋去Night Market個泰文名
去到China Town就即刻入林真香度唱埋身上梗餘既5百蚊
順便走去大姑姐介紹既檔仔食豬雜湯同海南雞飯
兩個都超正~好味


食完就搭的去Night Market,有泰文名係方便d架
一落車就即刻見到狗狗野,入到去好快就唔見左岩岩唱個千零蚊T︵T
陳四係我買緊個陣仲係度諗駛唔駛買多份俾未出世既仔仔(白痴)
行左一個鐘到(佢12點關門,我地11點去)就見到一大堆的士駛入黎
諗住梗會有間肯by meter既,但...我睇小左呢到d司機啦orz
陳四要用司機既角度諗返呢度係遊客區, 大把水魚肯搭貴車既
走返出個大門口,正門前面仲有兩行車龍等緊駛入個market度@__@
我地唯有走到對面反方向既大馬路,一伸手出去就有間肯by meter返酒店既的的啦\^0^/


返到去酒店終於試左佢個大浴缸
好死大,放兩個人都仲好鬆動,有夠深
泡泡浴好舒服呀~w~

曼谷遊4D3N 16-19/11~Day 3 (Part 2)

遊返上岸之後就去左今日既室內活動啦---行shopping mall
出左Siam站跟指示行去到Siam Paragon
入門口要經過個scaner,又有實Q check你袋
一個shopping mall姐...唔駛真係咁嚴呀="=
黎到就即刻走去tourist位度問姐姐攞tourist discount card
一般都係名店野,5-30% off 既discount,但普遍都只會用到5%,好過冇啦
落一層去返ground floor,見到有個area入面有好幾個大魚缸既food court
冇錢就唯有去呢樹食lunch啦
每人買左張100B既俾錢咭,我就要左碟豬肉炒河,陳四就係海南雞飯
我個豬肉幾好食,不過陳四碟雞就no no啦,係個飯比香港既好食lor
雖然50B一碟,但個份量就真係唔夠食啦


食完走去隔離個supermarket度搵下胡生講既懶人椰青(全場一個椰青都冇既=__=凸)
呢個market有d似城市超級個類既高檔supermarket,價錢就好似百佳咁樣lor
買既野都係grand d高級d既,唔似big C咁大路同大件
最開心就係見到好多生果係門口位
買左一盒150B既切件芒果,好正,清甜唔漏,有成兩個咁多,好滿足
仲買左一支泰國奶茶同山竹汁....好甜...泰國既package product都唔夠新鮮既好食


supermarket前面有好幾間賣小食既shop
我地買左一袋腸仔(辣辣的,好味XP)兩個日式魚仔形餡餅(紅豆and吉士,香港好食d)
跟住就好飽飽咁再走去下一層B/F個Ocean World啦
俾左張5%coupon都要成1400B兩個人(原價7百幾架,好貴)
咁張ticket包左入場, 一杯大汽水, 一程係個魚池上面坐艇仔同一個4D影院
杯汽水好似香港戲院個d special杯咁幾靚,個蓋有隻大魷魚,禁佢會bibi響架(陳四好like XD)
坐艇仔就一般啦,間艇仔中心有個玻璃可以由上望下咁睇lor
不過就有好多魚跟住架船既,鬼咩,一有人伸手落水
個講說哥哥就掉隻大蝦落去示範有幾危險,d魚狼死到=口=....好似睇食人魚咁
裡面d野就唔係好特別,內容都係香港豐富d
係唔明點解裡面d惡魚咁x死大條=口=嚇死....
比香港好既係佢竟然有白化海龜~心


行晒個場就走去睇個4D影院
fuck!我仲諗住佢個館topic係deep ocean monster咁都會係播d有關既野
點知係激disappointment咁出返黎
坐個位唔舒服,震個陣又好似會跣我落地咁
最恐怖既係佢會冇啦啦係d位好似好真咁噴d水氣埋黎,唔止我,有個B嚇到喊呀>︵<


離開左個Ocean World就走去行Discovery
睇過間loft既精品shop,冇特別野想買
諗住行返轉頭去Paragon買爸爸
途經見到好鐘意既Mr P,買左門塞同電線扎(又係陳四既)
終於有機會到我買我既野啦,陳四就好醒咁係今早帶定部psp係身就終於有用啦
係泰國買爸爸真係好抵呀~好彩呢度D款唔多,唔係我一定禁唔住自己呀XDD
離開呢個血踐地方之後又走返去supermarket個頭搵野食
不過最終都係掃街咁食呢到既小食,再一人一杯fruit juice咁走

曼谷遊4D3N 16-19/11~Day 3 (Part 1)

起身去左酒店個party one食早餐
室外既景觀佈置仲靚過室內
食物選擇不多,都係一般老套野
但係有即場煎既奄列(<--我一向都好buy)
食落仲有好多蛋汁,medium cook既蛋係陳四既favourite
呢d咁嫩口既奄利我幾時先煎到呢~3~


食飽飽搭bts由National Studium一程車唔駛轉直去尾站Saphan Taksin
以為尾站去尾站可以偷到d時間釣下魚
點知唔駛3個字就到,好鬼快
今日行程係遊船河去大皇宮
俾左每人13B上船
沿途兩岸都好靚,有好多好靚既building
船上仲有個泰佬用英文講解,不過都只能聽到佢講left定right有野睇姐=.="
到左N9站,跟住班鬼佬行
沿路都有好多檔仔,有野食有藥有佛像仔
最奇怪係見到木做既假9賣.....究竟係拜拜定自用既呢="=a


行到咁上下就見到一大個白色既圍牆
一大堆鬼佬係門口
咁聞說大皇宮有dress code:長褲,no背心,no拖鞋
見到一條人龍去左一個borrow room度,咁咪跟住排lor
入到去有個坐櫃檯會昅下你岩唔岩規矩
著左以上outfit既人就要擺低100B deposit換佢俾你既衫褲
我地兩個琴日係JJ度買唔到鞋(個度d鞋都賣得唔平架)
著住我地一貫既人字birkenstock就去,不過就長褲長裙,咁又過到骨唔駛換喎
出到去見到d鬼佬換晒呢到好泰國既裙同褲,都好靚架
跟住人流咁慢慢行入門口
入到去,哇!!!靚到dumdum聲就一定架啦
但係咁鬼死多人既??!!勁多鬼佬團@__@
周圍都好靚,唔識講
自己睇相啦!!!


去到中間有座廟係放玉佛架(入面唔俾影相,sorry)
個玉佛好得意,佢有衫換架XDDDD
Summer day就係一件好泰國神像feel,有幾條布打個大交义係心口個款衫啦
Rainy day就會著件單肩鈄揹, Winter day就一件大deep V既架沙
當然講緊既衫係金絲線做既衫黎配襯翠綠既玉身啦
佢個日就著左件單肩鈄揹
係我地離開皇宮,行到碼頭附近有野食買既檔仔堆到
入去7-11買野飲個陣
陰左成朝既天終於落大雨啦(好靈啊~)
到我地飲完野,食埋d係檔仔買既小食之後又停雨啦~lucky~~=w=V


可能岩岩落完大雨,回程既船超迫
陳四攬住我咁迫到去船邊可以抖下氣個陣
竟然俾我見到我老細(大驚嚇@口@)
大佬呀~!曼谷多香港人姐,撞到熟人都唔係好奇既事(以前跟團同家人去都有過唔少次經驗)
都唔好咁慘咁見到d唔敢見既人呀
老細放假我呢d卒仔放假,竟然去埋同一地方,真係搭埋同一條船lor啋
我好驚咁捉住陳四講我見我老細,條死仔仲大大聲咁問咩老細
頂!俾佢sence到我係度咪要我同佢打招呼??唔好玩啦>口<
好彩係落左一炸人之後,佢同佢朋友走左上前有位坐
成程船都冇同佢eye contact,佢應該唔知我都係度掛...呼=,="

曼谷遊4D3N 16-19/11~Day2(黑媽媽行程)

一早book左7點係river bar cafe食野
但係出到門口就已經7點幾
諗住自己"止"的士,點知架架都話唔識去
識既就話要300B,頂!!!去機場都得啦
之後都認傻仔走返去酒店搵bell boy幫手
仲叫個reciption幫我打電話去asia herb association delay個booking
要d泰仔幫我地搵的士都搵左好耐...個cafe都真係幾遠同好多人唔識=.=
終於有架ok,車到我地去到時我地兩個都O晒嘴
吓??到啦???泥石地黎gor wor
但又有個死人牌寫住River Bar Cafe-->既箭咀牌
咁唯有跟住行啦...入到個黑媽媽停車場再望入去
哇~好努曼蒂克既燈光呀~~令令
俾左張15%discount coupon個receiption
我地雖然遲左成粒鐘,但佢都帶左我地去online book左左既河邊位~so nice
個位都好努曼蒂克呀,得一支燭光,睇menu都睇死人*__*
點菜既同時另一個就狂影相,因為個餐廳對住條橋,d燈光好靚
一路食野一路有live band感覺真係好正
呢d咁有情調既餐廳都係第一次去
咁多年陳四都冇同我食過candle din,今次仲要係我自己plan自己book位帶佢去,吼\ 口 /


食到飽飽就叫個receiption幫我地叫車去Asia Herb Association度做spa
開頭都擔心食到咁飽就去做spa會唔會嘔架
點知兩個地方相距好遠,陳四又好安心咁訓左\__/
去到AHA又係大鄉理咁「哇~好靚呀」
入到去陳四竟然對個d herbs有興趣周圍睇,仲話如果試完正既想買返屋企用
揀左兩個人一樣既set: 100％Pure Oil Body Massage with Herbal Ball 120min/1200B
坐低就有杯清茶你飲,等佢執好間房之後就請你入去沖涼
間房好正,佈置雖然簡單但入到去已經好relax
沖乾淨之後就有條黑色網網褲仔你著,男女同款freesize XDDD
訓上張白色床仔佢地就turn到個光最暗就開始按摩
做massage就係好爽好舒服,有人訓到gur gur聲呀 XDDDD
個度既按摩auntie(我既就係姐姐,陳四個就係auntie啦)好叻叻呀
陳四個背脊痛左成個禮拜有多,都冇同個auntie講佢自己發現到仲問佢呢個位係咪痛
跟住就著手係呢個位用力,陳四話雖然好痛,但禁完後果個位鬆晒
成個massage舒服到唔覺過左2粒鐘,個d 4個既massage應該會lum死呀
銀包冇晒泰幣散錢,每人俾左廿蚊港錢做tips(好豪呀)

返到去間shop入面拪揀左個對muscle pain既herb pack,我同陳四都有用嘛
不過見到d姐姐都準備收舖,都冇點睇就好快俾錢走人lu
出到門口12,1點幾
口痕想食芒果糯米飯,但係bts收晒
諗住差一個站就行過去隔離Thong Lo站個生果店買阿蘇介紹既芒果糯米飯
點知沿住條bts天橋行極都唔見另一個站
忍唔住"止"架的士同佢講去Thong Lo再返酒店
唔知點解佢就掉轉頭直接車返我地返Siam
算!橫掂都攰死左,無所謂啦,返到酒店叫room serive都好
可惜酒店個bar收11點,party house就收2點 room serive個menu就係冇芒果糯米飯=口=
天唔俾我食宵夜要我早d訓我都認命
兩條死屍得一條沖左涼就去訓死啦

曼谷遊4D3N 16-19/11~Day2(日頭行程)

夜晚set左鬧鐘,點知到訓醒既一刻打開個電話睇
咦咦咦???11點架啦???!!!!
吧吧聲咁踢陳四起身check out間酒店
拖住個gip出酒店就睇到個商場鐘樓---10點幾@口@
係...我白痴....睇左個未轉去泰國時間既手機<(=___=)>
就咁就冇左個早餐....又搵唔到個水門街市食海南雞=__=a
唯有死死地係街"止"左架肯by meter既黃綠的去一個大轉角後面既Siam@Siam啦
入到個門口, 又係哇哇哇咁大鄉理出城咁啦
個bell girl姐姐又好醒咁搵人收左我地個行李就帶我地上11F個lobby check-in
可能呢間招呼得香港人多,好快手就攪點俾埋key card我地上樓
24F excutive floor好高呀~~~
間房d design又係我好like既水泥地頹廢feel,so正^_^

離開酒店後就去左Siam Centre個Greyhound Cafe食野(成朝都冇野落肚>.<)
呢間野係一粒鐘真人蘇個曼谷篇介紹過
阿蘇recommend既單骨雞翼同凍檸茶都好鬼好味
呢期陳四愛上左食burger,呢個burger同個薯條都好good~very nice~~~
值得再食~

食完呢d咁heavy既野就要去shopping黎消耗d肥膏啦
翟道翟市場JJ Market係我呢個trip既最大目標
target有t-shirt,民族衫同睇狗仔野
但.....點解陳四既收獲會豐富過我咁多既@皿@可惡!!!
行到好攰走入一間餐廳,要左個好好味既芒果糯米飯~yum~~
食完再行行到6點幾成身汗咁返酒店沖涼啦(待續)

曼谷遊4D3N 16-19/11~Day1

前一晚在陳四家過夜

因為陳四要扮勤工,係星期五都要返多半日先可以飛

所以係佢出門之後就要留我係佢屋企幫佢餵龜

第一日餵得重手d,之後個兩日阿龜就要挨餓啦

可能一早起身仲好眼訓,俾小龜咬到.\ /.

陳四仲笑我竟然可以留到全隻手指=︿=凸

湊完龜仔之後又仆返屋企執bubuB

再整理好d行李,恰多一個鐘又拖住個大gip去荔枝角等陳四收工

有人遲到累我又趕頭趕命咁上機!!!!

下午3點機full左...冇得坐window=︿=...仲要坐正中間有兩個大件男人夾住>︿<
曼谷時間4點度落機
上去departure hall個的士位度好快就截到黃綠的
唔駛點講就"By Meter"同"Highway",諗住好快個半鐘就到
點知咁快就俾我遇到曼谷最出名既野---大塞車
本來個半鐘既車程變左2個幾鐘=口=
坐到陳四訓到gurgur聲(汗)
好彩遇到個好司機,真係全程照錶計
285B+65B highway,見佢咁好人就咁俾300B免找(哇~好豪呀XD)

上到家酒店
哇~哇~哇~
張床大到.....霸左1/3間房咁濟
訓左上去完全唔願走呀~~~>w<

好辛苦咁爬起身去左行一陣Big C
兩大層,真係乜都有得買
諗住last day先走過黎買野都忍唔住買左野食返酒店
再走去對面個Central World
門口幾個大帳篷有大電視睇波飲酒,最key point係d啤酒姐姐著得巧息事呀:P~
可能到11月中啦,個商場都有d Christmas decoration
好大個聖誕樹~令令(但有人話一般啦,同香港差唔多bor="=)
食左個MOS burger 蝦蝦堡,隨即去左到SWENEENS食左個朱古力火鍋
味道當然係哈根大師好食d啦
但....239B(~HKD 55)既價錢食到9球雪糕,一滲落d朱古力即刻有層脆漿係面~爽死啦XD~

Next station就係China Town啦
去到真係冇野好做
除左食之外就係食,食,食
臨走就去左林真香到唱錢買手信俾公司d人
陳四買到唔駛錢咁,見到岩口味既就掃落個籃到
不過...咁買法都只係計港幣3百幾咋~so good =w=b

唔老黎

好似係星期日係椰林閣食野開始,d脾氣又出返晒黎
由昨天開始心情好差,好多好多不高興既事
有d講出黎都冇人可憐先興

事件1:
俾咁貴學費,放左工趕頭趕命咁仆到去上堂
竟然有條粉人代某人傳話我地遲到
咩麻煩到有人幫你開門事小
遲到聽唔到書事大
做LAB遲左收工都唔好啦,blablabla
好為我地呢d學生著想咁
係唔想我地遲收lab既就咪係度講廢話左住我地上去開lab啦
依家又唔係小學生,唔該唔好玩訓導主任扮演遊戲啦好冇
公司已經有個愛扮訓導主任既甘生啦,救命
你full-time student都唔會expect佢可以準時,更可況要返工既part-time??
硬膠!!!
German好型咁係條粉人未講完佢d仁義道德就爆門出左去,爽到呀
不過榴榴呢排真燥底左,個刻好想叫條粉人留個email俾我投訴個條咁正氣既硬膠仔

事件2:
好驚星期二返學架啦,今日厭惡感強烈左
放學後同陳四一齊搭車
坐低之後突然有人拍打陳四個頭
我大大個坐係度,你咁樣算點
理論上應該只係同事之間既嘻鬧
理論上應該要一笑置之
但實際上係d咩係人都知
落車個下上到天橋個陣我好想大嗌
個心俾人吉左條刺係度,理論上唔存在既刺,可以點除去?!

事件3
好幾個月前已經係spca度睇到一隻都柏文
可惜佢個名後面寫左個hold
以前既經驗係spca幫狗狗揀主人既方法係個謎,所以我同陳四都冇諗帶佢返屋企既事
但到今天我又上去個adopt page度睇,隻小都仲係度
仲要見到一隻靚仔bull dog又係寫左個hold字
究竟隻狗係有人要定冇人要架
佢地咁樣做其實係咪有利用名種狗黎招來更多既人入spca睇狗
隻名種狗根本就唔係open for adoption既
想打電話問個清楚,但係得個遺言信箱
頂

捉狗隊

11月4日(星期日)
遙遙集齊左pai,自自同榴(附帶陳四一個)組成了一隊捉狗隊
直接踩入勝利道找尋一隻懸賞$6500既呆鈍哥基
先鋒隊早於星期四在某寵物店已經發現呢隻代號忌廉既疑犯
可惜店主涉疑包庇疑犯所以當日無法捸捕回家
所以遙隊長拖齊人馬掃場並放底懸賞,店主眼見孤身力弱唯有就範將忌廉交出
店主卻厭棄忌廉懸賞金額太少,有意利用無實際作用既營養粉美毛膏賣給遙隊填補損失
可惜被有豐富捉狗經驗既陳四同榴狠狠拒繳,快手將疑犯押送到附近獸醫診所做body check
靚女醫生話疑犯可能在潛逃期間沒有適當進食,所以體型太瘦
如要忌廉呆豬可以健健康康地在遙家服刑的話就要努力儲肥佢
遙隊長亦樂意聽從醫生意見
希望忌廉豬會一世留在遙身邊,成為傳說中的星星王子

[FW] 你能出一分力嗎?

從前榴榴一向都沒有捐錢給慈善機構的習慣
就算現在看到心疼的貓狗個案都只會心中祈求他們能渡過難關
可是看完下面的文章,我就哭出來了
因為她是隻榴最愛的白貓喵
因為她是隻大眼小喵B
因為她是隻藍色大眼睛既小白喵B

如果你看到只是單純的一隻遭遇不幸卻命不該絕的貓仔
請你也和榴榴一起出那小小的綿力幫助這隻極富生命力的藍藍

http://hk.myblog.yahoo.com/sillysuky/article?mid=30866&suc=1