拜爺爺

係講當日既情況之前,有個笑話一定要寫低先

話說我家人玩到無野好玩

諗住當日燒完野食俾爺爺之後

晚餐以前都會去愉景灣大姑姐屋企食飯既

今次佢地諗住係梅窩燒野食,幾好咁啦

通過左啦,媽媽就打俾伯娘同佢confirm個日夜晚個餐會bbq

伯娘佢提出一個好鬼孚得意既問題

「kei仔(我堂細路)問咁樣會唔會唔尊重阿爺?」

媽: 「吓???!!!咩唔尊重呀??」

電話後我堂細路把聲話:「燒野食咁開心」

oooh my god....佢老母傻,佢都係傻...

我阿爺死左廿幾年,唔通重要喊住去拜佢乎??

一向拜完爺爺都會去食飯架啦,唔通要喊住去食先叫尊重??

到當日,個好擔心唔尊重阿爺既乖孫就話自己病唔黎

個老母就好擔心咁係拜完爺爺食完個lunch就走左

無啦啦就咁樣預左兩個人份量既野食就冇人食啦

都好既,無左d成日扮可憐搏同情講野唔經大腦既人都係件好事

我地行去銀礦灣,見到好多人親退潮既時候係沙灘摸蜆

我同何頴嘉又走左落個沙灘到試,又俾我地摸到wor

何媽同大姑姐又唔抵得又走落黎

點知何媽仲醒過大姑姐,何媽都摸到一隻XDDDD

我摸到6隻,何嘉最勁,摸到7隻

個傻婆一路行去個bbq場一路non stop咁笑大姑姐一隻都摸唔到

啦啦啦~呢d蜆就係我地加既餸,大隻過粒魚蛋架XDDDD

又鮮又甜又夠肥~正

下面燶左一舊既就係呢條魚啦,

成斤重架,反返轉個面就靚仔返晒

又係好好味,令我諗起係曼谷食個條燒鱸魚^Q^