寵物大遷徒‧龜龜篇

人地有十兄弟
陳家龜龜就有十五兄弟姊妹
陣容頂盛
點樣係一日之內將呢十五隻龜龜全部送上新家呢??
15隻裡面有9隻係分開左兩批住係兩個大箱度
呢兩個大箱就話可以跟車姐
其餘果6隻,有細有嫩有惡死大龜,呢d就要爸爸自己親手搬啦
第一隻搬既就係無用細膽白豬啦
呢隻最努師動眾,only一轉搬得呢一隻咋
一個拖住佢間屋加層架,呢一個兩隻手hold住佢
已經有水過背,但係呢個傻仔驚到係咁拍水想逃走
仲要係我行行下個陣企左係身,咁我郁緊架嘛
個小朋友企唔穩反轉龜背落地咁跌低,嚇到個傻仔仲驚,拍手拍腳咁要反返轉

下一轉就好d,一次過帶左4隻走
疊好晒d龜箱就行,點知阿龜爸爸厭我手唔夠穩要自己抱返
跟住就搬最大份個兩隻
大大隻既志龜係下面,上面就放小龜
兩個細路一搬上架拖車時都好驚,撐起晒d手手腳腳
之後沿途小龜就冷靜返,撻直晒d腳仔咁伏左係度
唔知係咪樓上冇咁晃,樓下搖得勁好多
志龜一直都撐起晒成隻龜,張牙舞爪咁
如果放隻耳仔係佢附近,一定可以聽到佢起勢咁"keeeeee~~~~"XDDDDDDDD
陳四係度等個兩箱龜等到心肝脾肺腎都'luck"晒
見到15隻入齊房先放鬆咋
不過阿龜們坐車都好驚驚架,嚇到賴c呀~~

後記:
係搬完屋個晚
因為太衝忙既關係,小龜同志龜間屋只係用左塊板用大膠紙封住個頂
當晚小龜就衝破左障礙逃走,係間房橫衝直撞,整跌晒d野嘈喧巴閉搞到我訓唔到
要我捉返佢入屋再係屋頂加舊大石頭唔比佢走
點知第二晚係陳四返到屋企個陣仲大獲
超級惡龜陳志龜逃出生天,仲走出係廳同阿狗對峙
仲爪到新油既牆同門都花晒
即晚兩隻細路都有舊石壓頂啦,真係麻煩