孖寶熱

今日諗住剪短個頭俾返條頸抖下氣
點知咁x好彩撞到個白痴洗頭同個白痴剪頭仔
個洗頭既就洗直左我個頭
個剪頭仔問我想剪幾多
我d頭髮原本到肩膀多dd架嘛,咁咪話剪到頸lor
佢仲哇晒咁問剪咁多,我就奇怪啦
佢剪左髮尾俾我睇跟住講話吹返乾我個先剪啦
點知佢就剪好晒成個頭到係果個長度先吹
一開始我就話成個小丸子咁既?!
無耐我就發覺佢幫我吹直左個頭添
shit!!!我一個月前先係呢間舖頭度電完個頭
我行入黎呢間野個一刻我仲係鬈鬈頭黎gor wor!!??
無x晒啦~仆街啦~!!!!!
佢條粉樣仲幫我愈剪愈短,短到好似我以前何東咁boy
但係in菇 shape......=__=
我知呢期香港好多女仔都好愛孖寶隻菇
好明顯我個頭唔岩菇樣lor
之前個look俾人話似師奶,依家變身做左阿姑添啦
佢見我塊面黑晒仲問我係咪短左d
x你,俾返個頭我呀
出門口個一刻好想買假髮呀=口=