公告收書

Wei β x 2
Wild Fish狂野的魚 - 緋色
偷偷愛著你 - 中村比紗也 vol. 8 -18
四個男人 - 御木宏美 vol. 1-4, 5(上,下), 外傳 1,2


















Tian陳!!!
限你一個月內過黎收書
期限已過就歡迎各方朋友上黎偷書啦
尤其係你套男人,竟然出版商已經停產了的話~
攞去bid都應該有錢收既~~~~

舅母‧再見

由上個星期三晚開始
我很怕聽到屁屁體操歌(榴依家個鈴聲)
第一次聽到是媽媽告訴我舅母就快唔得了
叫我入屯門醫院見下佢
一直由沙田第一城坐車去荃灣,轉車入屯門
心裡想著怎麼會這樣突然的...
入到病房,我看呆了.......
兒時很怕的舅母,就算這幾年中風行動不便了
還是會很有中氣的訓示耍白痴的父親/表姐夫
躺在床上昏睡,面如死灰的舅母插著氣喉,吊著鹽水,床邊還有一大袋流出來的血
我看到心都疼死了

由我懂事開始,我也入過不少親人的靈堂
就算是理論上最親的外公,我都沒有感覺
對我來說,死亡還是很陌生
聽到舅母的消息時,我慌了
看到她時,那種現實好像開始有「我有親戚要走了」的感覺
所有人都準備好了
雖然由她入院,到她昏迷的時間只有短短的一晚
但是看到她這樣辛苦的樣子...沒有人再敢自私的叫她留下

媽媽說昨天的舅母呼吸跌到25度
返緊工的佳表由香港仔飛的返回屯門
芬表剛送完黃德宜返學又怱怱忙忙的接靚妹走去醫院
媽媽同二舅父都趕到
舅母的呼吸又回復到90度的正常level
媽媽有課要上所以見佢無事就離開了
可是5點幾的時候芬表再打了一通給媽媽說舅母走左了
所幸的事佢地四姊弟都在,對舅母最親的人都在
她看過女兒出嫁,抱過孫,飲過新抱茶
雖然還未抱到親孫,還未飲到大仔個新抱茶
但都已經不錯了吧


從今以後都吃不到好好味的咕嚕肉了

兩個星期了

感覺係:輕鬆,快樂同舒服

我承認我還有想起哭泣的日子
但比起上幾個月,可能這樣才是最適合我的生活
我很喜歡現在
什至希望永遠都是這樣
我很少說「永遠」這兩個字
但當我想為呢兩個禮拜的日子作一個conclusion
腦海中即時彈出這個詞語
我真的過得很快樂
你有沒有?

徵伴遊

3D版怪誕城之夜將於10月18日在Grand Cinema HK 上映

小弟會係10月11日網上訂票

價錢為$100/位,有意一起睇既人請通知我訂埋你個份啦~^0^

http://www.disney.com.hk/nightmare3D/

回來啦~~~

死富奸回來啦~~~~
好UNBELIEVABLE咁畫左封面+3張彩圖(雖然好明顯係就咁用COPER填顏色)=.=
但終於沒有草稿線了~(感動)T^T
希望下個星期還可以見到新一回的連載

StarDust魔幻星塵

一套love+magic+adventure既fairytale
好好睇好warm既故仔
有好幾個charater既人設都係跳出框框既
Yvaine個粒主角星星,通常大家都會expect呢d天上來既仙女都會有女神個種非凡脫俗既感覺
但佢係個種樣子甜美既毒舌女,講野都幾唔客氣
一出場串個男主角個陣真係好好笑
羅拔迪尼路個captain shake-sphere就超正
估唔到佢個種man樣出場唔夠幾分鐘既戲就已經說服到我佢係camp既
超勁
Michelle Pferiffer唔駛講,由batman既catwoman開始就愛上佢
Her lips and beautiful eyes真係好靚,戲當然係great啦
好喜歡個ost,聽落好舒服
Take That - Rule the World


後記:
依家星期二要去QM上堂
之前都有擔心過會撞倒d倒胃口既人
所以刻意早走去mk搭車
點知自己衰仔想睇漫畫走左去行行到6點
小巴條龍勁多人,已經前前後後咁昅睇下會唔會咁黑
估唔到係落車既時候先發覺咁x好彩
嚇到我手軟腳軟,明明QM對我黎講都唔係D咩陌生既地方,個腦都突然blank左唔識路
放學個陣扭計叫左係附近返學既陳四接我
點知條友仔見到失散左既師兄/前同事/我同學....就hyper度連我都唔理就一味咁同佢傾計
我同d同學仔們(其中一個係人地女友)都呆左
各自走左之後佢仲未hyper完...我就好慘慘咁話俾佢聽我仲驚魂未定
唉....無奈
好彩一早買左飛睇戲開心下,唔係我都唔知點訓

徵求醫治失眠妙方

心煩到睡不著
一向都有失眠的習慣,以前多數是因為日頭太多精力留下
所以身體叫stop但腦袋還好excite咁不願休息
而現在很多時候都因為感情上的不如意而弄到不能平靜
對我來說,愛情能醫百病
只要想像他的手臂放在我的膀頭上我就安心了
如果有他的聲音相伴就更好,就算不說話也沒關係
只要還聽到他安穩的呼吸聲我就可以放鬆到入睡的了(好像變態耶)

但我這兩晚睡不到了
吃了一粒安眠藥,躺在床上一個鐘頭有多還是睡不了
再看說明:經常失眠者,應該盡量保持心情輕鬆
我靠........＝　＝
就是因為放鬆不了才需要藥物協助吧.......

星期日我變得更嚴重了....傷心過度
天未黑我就很想一直睡一直睡到大天光
狠下心一下子就吃了兩粒
有種被鬼壓的感覺,全身動不了
人還是半醒不睡的樣子...很辛苦
可惜藥力還是不足夠我睡到第二天
晚上7點就醒來了...可是全身發疼
腦袋要爆炸的樣子
到睡覺的時間都不敢再吃藥了
唯有靠看書打發時間

現在我又睡不著
原因還是昨天的那個
還不習慣一個人的睡姿....
還有什麼可以讓我安睡的方法呢?

瘋了

食藥食到燒壞腦

傻到落核彈黎轟炸自己個荷包

銀芽~~~~炸到一毫不剩

財散人安樂~好耶~~~~~~XDDDDDDDD